حل اللغز الثالث
من رايييييييى وعلى اد ما فهمت
نقسمهم ل 3 مجموعات كل مجموعة فيها اربع كور
ونحط كل مجموعتين قدام بعض فى الكافتين
هنوصل للمجموعة الى فيها الكورة المختلفة
عدم تساوي الكفتين عند وضع أربع كرات في الكفة الشمال وأربعة في الكفة
اليمين هنلاحظ وجود ثقل في احد الجانبين عن الجانب الآخر ولنفترض ان
الجانب الأثقل هو الجانب الأيسر
هنبدأ عملية الوزن التانية
والخطوة الاولى 1- هنشيل كرتين من الكفة الشمال نحطهم برة .
2- ونشيل كورة من الكفة اليمين نحطها في الكفة الشمال ونعلمها بأي علامة.
كدة يكون عندنا تلت كور ناحية اليمين وتلاتة ناحية الشمال
هتظهر نتيجة الميزان وهتكون احد الاحتمالات دي
1- تساوي الكفتين
2- بقاء الكفة الشمال اثقل
3- تصبح اليمين اثقل
طبعا هندرس كل احتمال واحدة واحدة وكدة فاضل لنا ميزان واحد
في الحالة الاولي حالة تساوي الكفتين
نستنتج ان الكرة المختلفة هي احد الكرتين الي برة الميزان
وهنعرفا هنحط كرة من الاتنين في كفة من الميزان وكرة تانية معروفة في
الكفة التانية في حالة التساوي تكون الكرة الي خارج الميزان هي المختلفة
في حالة الاختلاف تصبح الكرة المقارنة في الميزان هي الكرة المختلفة
وكدة نكون جبنا الناتج في الحالة الاولي بالتلت موازين
نروح للحالة التانية
2- بقاء الجانب الايسر اثقل
تذكير في تلت كور في اليمين وتلانة في الشمال التلاتة الي في الشمال منهم اتنين جايين من اليمين ومتعلمين
والثلاثة الي في اليمين منهم واحدة جاية من الشمال ومتعلمة + فيه كرتين برة معانا برضو
واحنا دلوقتي معانا ميزان واحد
الخطوات
1- بسبب وجود ثقل في الكفة الشمال فان الكرتين الي برة مستبعدين لأنهم كدة مش تبع الاختلاف
2- كمان الكورتين الي نقلناهم من اليمين للشمال والكورة الي نقلناها من
الشمال لليمين كل دول هنستبعدهم ودة لأن تغيير اماكنهم ما غيرش من وضع
اتزان الميزان .
3- يبقى كدة باقي كورة في الشمال وكورتين في اليمين مجهولين
4- هنطلع كورة من ناحية اليمين برة الميزان
5- والكورة التانية الي ناحية اليمين هنديها علامة ونحطها في الكفة الشمال مع الاولي
6- ملحوظة : في هذه الحالة كان الطرف الايسر هو الطرف الاثقل
7- هنجيب كورتين معروفين ونحطهم في الكفة اليمين
8- بعد استقرار الميزان هيحصل حاجة من التلاتة أ- تساوي الكفتين يبقة
الكورة الي احنا طلعناها برة الميزان هي المختلفة [ ب- بقاء الجانب
الايسراثقل معنى ذلك ان الكورة الاولي في الجانب الايسر هي الكورة
المختلفة والكورة التانية المنقولة من الجانب الايمن هي كورة عادية [ ج-
الحالة التالتة الكفة اليمين اثقل معني ذلك ان الكورة الي نقلناها للشمال
كرة مختلفة عشان تغيير مكانها ادى الي تغيير وضع الاتزان للميزان.
9- وكدة الحالة التانية تكون انتهت وبرضة عرفنا الكورة في تلت موازين
الحالة التالتة
4- الكفة اليمين اثقل
تذكير في تلت كور في اليمين وتلاتة في الشمال التلاتة الي في الشمال منهم اتنين جايين من اليمين ومتعلمين
والثلاثة الي في اليمين منهم واحدة جاية من الشمال ومتعلمة + فيه كرتين برة معانا برضو
واحنا دلوقتي معانا ميزان واحد
في الحالة دي الخطوات هتكون كدة
1- بما ان هناك عدم اتزان بين كفتي الميزان اذن الكرتين الي برة كرات صحيحة معروفة
2- لما نقلنا كورتين من اليمين للشمال ونقلنا كورة من الشمال لليمين انقلب
وضع التوازن اذن الكور الاساسية الي ما بدلناش مكانها كور معروفة الوزن
متساوية لأن الكرات المنقولة هي الي غيرت وضع التوازن اذن احد هذه الكرات
كرة مختلفة الوزن .
3- الكرات المنقولة هي اتنين ناحية الشمال وواحدة ناحية اليمين
4- خلينا فاكرين ان في وضع التلت كور كانت الناحية اليمين هي الاتقل اذن
اما الكورة الي ناحية اليمين اتقل اما واحدة من الاتنين الي ناحية الشمال
هي الاخف
عملية الوزن رقم 3
1- نشيل كورة من الاتنين الي ناحية الشمال نخرجها برة
2- نعلم الكورة الي في الشمال ونحطها في الكفة اليمين مع الكورة الاولى
3- نجيب كورتين معروفين من برة ونحطهم ناحية اليمين
4- هيحصل حاجة من التلت حاجات دول
أ*- تساوي الكفتين في الحالة ديه يبقة الكورة الي خرجناها هي المختلفة
ب*- بقاء الكفة اليمين اثقل في الحالة دية يبقة الكورة الاولي هي المختلفة والكورة المنقولة كورة عادية
ت*- الاحتمال التالت الكفة الشمال اصبحت اثقل في الحالة دي تصبح الكرة
المنقولة من ناحية اليمين الي الشمال هي الكرة المختلفة وهي اقل من كل
الكرات في الوزن لذلك عندما نقلت من الشمال لليمين ووضع يدلا منها كرة
واحد كيلو خففت وزن الكفة الشمال فقلبت وضع توازن الميزان
لوحد فهم حاجه يبقى يفهمنى معاه
انا عارف انكم لوكنتم تعرفوا ان حلها هيبقى كده ما كنتوش فكرتم فيها 
يالا بقى ورونا شطارتكم .... 
علشان نفتح نفسك بس 
الرحيم 
