من طرف himazima الخميس يونيو 25, 2009 8:14 am
توبك هايل ياسيندريلا وعجبنى انك فتحتى موضوع الواحد ممكن يفضفض فيه عن اى حاجه اثرت فيه
بس انا مش عارف انا مش قادر اتكلم ليه فى التوبك ده مع انه عاجبنى جدا وكان نفسى فى حاجه زى دى
خلاص انا لقيت حاجه ويمكن عند ناس كتير مننا
انا مدمن شات بطريقه غير طبيعيه يمكن المنتدى اخد من وقتى حبه لدرجه انى حاسس ان الكيبورد اتخنقت منى من ضغطى على الزراير
المهم احنا عارفين ان الشات كله تكوين صداقات وانى بتعرف على ناس من كل مكان فمره اتعرفت على واحدمن اليكس وصحبته صحوبيه جامده لدرجة انى كنت بحس اننا فى مكان واحد وطلب منى انى استضيفه فى البيت عندى يعنى انه عاوز يزورنى فوافقت وكنت مبسوط جدا لان اول مره اعمل حاجه زى دى ومع حد مقعدتش معاه ولا مره واستضيفته وبات معايا يوم بس اللى اثر فيا جامد وخلانى كنت هموت انه سرقنى وهوه مروح اخد فلوس من مكتبى وانا معرفش غير لما وصلته وروحت البيت وطبعا بعدها معدتش بيفتح ايميله وبعدين بقى بيفتحه عادى بس عملى اجنور ورقمه غيره وخلاص على كده
اللى طلعت بيه من اللى حصلى ده ان مش اى حد اتعرف عليه او اصحبه ادخله بيتى ويبات معايا وامنه على كل حاجه فى بيتى بسهوله ودى اثرت فيا جامد يمكن لانه اول واحد صحبى (لا هوه مش صاحبى)هوبنى ادم حرامى وقذر امنه على بيتى ويبات فيه
وبصراحه انا كنت عاوز اتكلم فى حاجه كمان ودى مش مؤثره فيا بس دى يمكن سبب انى جبت مجموع مش عالى فى ثانوى
بس انا زى متقولو مكسوف اتكلم فيها ومحدش يتريق عليا انا مخنوق من العاده السخيفه اللى فيا دى ونفسى اغيرها اعمل اييييييييييييييييييه
Shohod Alfagr
