يبقى انت أكيد ف مصر!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

صلوا على النبى
طبعا وللأسف أنا طالبة فى الثانويه الغامه .. فى التعليم المصرى الوارم
وبما ان الامتحانات لسه طازة ... حبيت احكيلكم على يوم كده ..كان اول أمتحان هو اللغه العربيه
كان التعبير ببساطه هو مناقشة مشكلة " الهجره غير الشرعيه "
و الكلام كان مكتوب : ناقش المشكله مبيناً اسبابها وطريقة حلها

ماوراء الكلام بالتأكيد : ناقش المشكله مبيناً( من الاخر) ان الشباب هو السبب فى كل حاجه بتجراله و لو عينك زاغت وقلت كلمة الحكومه فى الامتحان هنطلع عين ابــــ..
" وطبعا كلكم تنازل عن المبادئ و اصبحنا مواليين للحكومه "
أنا عن نفسي مرضتش اكتب فيه قلت دماغي مش رايقة للنفاق

و كان فيه سؤال اسمه اكتب تقرير خمسة اسطر عن اطفال الشوارع
طلع انه مش مجرد رغى من خمس سطور زى مكلنا عملنا
لا ده طلع كمان بنكتب الاسم و بيانات تانيه ومحدش عمل الحوار ده
بلاش العربى ... احنا خرجنا نحمد ربنا ومبسوطين " مرضناش نزعل نفسنا يعنى من اول يوم"

يجيلك ايه بقىىىىىىىىىىى
امتحان اللغه الانجليزيه العقيم "
احنا بالصلاه على النبى فضلنا 10 شهور بنذاكر فى ام الانجليزى 10شهور فى كل حصه بنحل واجب مكون على الاقل من 300 سؤال
10 شهور كل حصه فى امتحان بيضم على الاقل 50 كلمه
10 شهور بنحل امتحانات و بنحل اختبارات
10 شهور مسكنا كتب الوزاره اللى اسئلتها مكتوبه غلط وساكتين
10شهور دروس و مشاوير و فلوس وكتب و كشاكيل
وبعد 8 شهور مرينا بشهرين مراجعه
شهرين تعبنا فيهم .. شهرين حلينا فيهم الاكتر من 1500 سؤال
شهرين حلينا فيها امتحانات النماذج و الوورك بوك
وفى الاخر المفـــــــــــــاجــأه الكبيـــره
مفيش حاجه من اللى ذاكرناها جت فى الامتحان



وبيقولى اكتب موضوع عن شخص انت واخده مثل أعلى
او تقريباً كده شخص واخدك مثل أعلى
أعلى ايه واوطى ايه بعد ما شفنا اسئلة ملهاش صلة بالمنهج
الواحد دماغه كانت ساحت من الحر والتفكير وبدأ يهيس

انا كنت هكتب كالاتى : الشخص ده محبوب . الشخص ده محبوب علشان بيحب الناس . وعلشان بيحب الناس الناس بتحبه . وعلشان الناس بتحبه انا بحبه . الشخص ده هو مثلى الاعلى .. لانه شخص ذكى و الناس بتحبه , وكانت قصه رومانسيه قصيره بين طرفين بيحبوا بعض من طرف تالت .
بس لحقت نفسي الحمد لله وافتركتلي كلمتين من بتوع عزمي الله يكرمه

وبعدين قال ايه برده ترجمه عن " الهجره غير الشرعيه "
لقتنى بقول " والله عنده حق اللى يمشى من البلد "
ده غير ان الاسئله كلها معلومات عامه .. مش اسئلة المنهج
والنتيجه ان كل الناس كانوا مكتئبين .. كل الناس كانوا زعلانين
كل الناس متشائمين للى جاى .. لان اسهل امتحانين كانوا صعبين
حتى مدرسينا بيقلولنا : عملتوا ايه فى الامتحان الزباله ؟؟
انا اتخنقتتتتتتتتتتتت:.
العالم بيتقدم واحنا لسا بنتعلم تعليم بقاله قرن بيمر بحالة ركود
وقال ايه الوزير ده هيغير ويجدد ويعدل.. ده ياريته ما جه..فالح يتصور ويقول اللي هيجيب 85% هروح اسلم عليه
ده احنا اصلا منتشرفش نسلم عليه
حاجة تقرف
تعليم فاشل ..نسبة الفشل عدت نسبة الثلاث اربع من نسبة الطلبه
و هما بعد كده ييجى يقولوا الشباب بيهرب ... الشباب صايع .. الشباب فاشل
ده انا لو شاب مكنتش هعمل غير كده
"دعـــــوه للهـــــروب "

فراشة الربيع ™ كتب:

على فين كده؟؟
خدونى معاكوا

بس على فكرة
احسن حل لأمتحان الانجليزى ده
ان الواحد يكون داخل مش مذاكر

معاكي انه مكنش محتاج مذاكرة
بس ربنا مش هيوفق برده غير اللي تعب

صدقونى
أنا كنت كده
وكنت طلعه فرحانه
وكان عندى احساس أنى ممكن أنجح

لا بجد أنا فعلا كنت حسه أنى حليت كويس
مع ان الانجليزى ده أكتر ماده مكنتش بذاكرها
دى يادوبك ذكرتها مره فى المراجعه وكروتها يوم الامتحان

وطبعا كنت قاعده فى اللجنه ببدع وحاسه أنى بحل كلمات متقاطعه
وفى الاختيارى لو مش عرفه سؤال بمشى على مبدأ"ألى نعرفه أحسن من إلى منعرفوش"
لو طلعت كلمتين من أربعه شفتهم قبل كده حتى لو نسيه معناهم
أحاول اقنع نفسى ان فى واحده فيهم صح وأكتبها
وفعلا حليت اكتر من واحده بالطريقه دى وطلعت صح خاصه بتوع القطع
والله وانا كمان وتذكرت كل اغاني الطفولة من حادي بادي والذي منه


ولما حيت أتذاكا واعمل فهمانه "يعنى فهمه بس بالاردنى"
وأنا براجع شطبت على سؤال صح وحليته غلط

فعلا
صدق إلى قال
أننا
دفعه
نــ...

نحس وفقر
بس يللا الحمد لله على كل حال
وحسبي الله ونعم الوكيل

**************************
شكرا ياجميل على الموضوع الجميل ده
الواحد خرج اشعيره فيه

فله كتب:

ايه الموضوع الجامد ده
بس ارحمى نفسك شويه
اهم حاجه الصحه
صحتك بالدنيا
متخفش يا برنس
ما انا كتبت الموضوع ده عشان مخليش حاجة جوايا تأثر على نفساويتي

ولو مصممه تهربى
من القرف ده
خدينى معاكى

اللي بياخد ربنا
يعني هو انا عارفة اخلع لما اخدك انتي كمان بس يللا انتي رفيعة هشوفلك مكان ف الشنطة


ياااااااااااااااااااااااااجميل

دانا دندونه كتب:والله انا مشفقه جدا عليكم

احساس طبيعي على كل طالب ثانوي
بس الى تعب هيلاقى ان شاء الله

دعواتك.....
انا عايزه اقولكم ان بنت خالى جنبى عندها حاله نفسيه بسبب الأنجليزى
مثال لكل طالب عايز يتعقد وبتندب ع حظها الفقر دلوقت قبل النتيجه
ع العموم النتيجه بوادرها بانت
ايه السيرة دي..ربنا يستر

وحشتونى ياعيااااااااااال

والله وانتي وحشتينا اكتر