خـــــــــــــــــــــــــــواطر فــــــراشة

أميرة الأندلس كتب:

أنا بجد مش عارفه أوصفلك الكلام الحلو ده إزاى

تسلميلي يارب ودايما للأحسن يا فراشه

ده من زوقك بس ..
يسلمو على الرد ياجميل

himazima كتب:

نبدأ بسم الله..

اولا مشكوره يا فراشه
وتسلمى على ما يجول فى خاطرك
الله يخليك
بس أزاى تسلمى على مايجول فى خاطرك يعنى؟؟
ثانيا انا بس هقول حاجه ابل ما اجاوب على الاسئله دى
انا لما هتكلم فى الاسئله دى هتكلم عن نفسى انا
وعن اللى بتصرفه فى كل سؤال من الاسئله دى لو اتعرضت لحاجه زى دى
وياريت لو اى حد هيجاوب على الاسئله دى يجاوب عن نفسه
بكده ممكن نعرف التقصير من مين
واللى عنده وجهة نظر خطأ ممكن يصححها من راى الاغلبيه
وارجو من الله ان تعم الفائده على الجميع
ماشى
1.ليه الواحد
مبيحسش بغيره وكل ألى همه مصلحته وبس؟؟
مش كلنا بشر؟؟وممكن أوى أى
حد يبقى فى الموقف ألى أخوه فيه؟؟
ايوه كلنا بشر وكلنا اخوات
وعمرى ما هشوف حد بيغرق وبيمدلى ايده عشان انقذه وهسيبه يغرق
امته هسيبه يغرق لو لقيته بينجى نفسه ويغرقنى انا
يباه ده يستاهل انى اساعده
اللى بينكر الجميل وياريت على اد كده بس لا وعايز يدخلنى هو فى المشكله اللى انا طلعته منها
اصل هفضل اؤل شعارات وحاجات مش هعملها مينفعش و خلاص معدتش يومهم هقول ربنا هجزينى واستحمل وكلام من ده
ايوه ماشى
بس لو مسؤله منى اسره مين اللى هيعولها
هقول ربنا معاهم ...ونعم بالله... بس انا اروح احط نفسى ادام الاطر واقول ربنا لو كاتبلى اعيش هعيش ولو مت باه " ويرزقهم من حيث لا يعلمون"
طبعا دا فهم خطا وياريت خطا بس واستهبال كمان
واحنا فى زمن ميستحملش لا انى افهم غلط ولا استهبل
كل واحد اخطاءه بتتعلق على شماعته
.......
على فكرة مش قصدى كده
قصدى ننا مبنلتمسش الاعذار لبعض


2.ليه الواحد
بيشوف الظلم قدامه لكن بيغمض عينه"وللأسف"..بيقول
وأنا مالى؟؟
وليه بنعاتب ألى بيحاول
يواجه الظلم والظالم ويوقفه عند حده؟؟
هقولك ليه احنا دلوقتى بنشوف الظلم وبنسكت
ربنا بيقول ايه
"ولا تلقو بايديكم الى التهلكه"
يباه انا اروح ارمى نفسى فى النار ليه وانا اللى غلطان
وانا سبب الظلم ده اصلا
فساد الراعى من فساد.... فساد مين ؟؟
صح من فساد الراعيه
طب وصلاحه؟؟
مظبوط من صلاح الرّعيه
يباه مين سبب الفساد والظلم ده ....
احنا
يباه المفروض نعمل زى ما بنقول دايما كل واحد يبدا بنفسه
ضحك عل الدقون صح
المهم
يباه انا باه اروح ااقول للحكومه وللحاكم
انت ظالم انتم عملتم كذا وكذا
واحنا السبب اصلا
مش بزمتكم بجاحه
ونستاهل اللى يحصل فينااصلا ...لاننا السبب
ولو عايزين توقفو الظالم عند حده
يباه كل واحد يمسك لسانه ويوقف نفسه الاول عن الظلم

أنا مجبتش سيره الحكومه أنا بتكلم على ظلم الناس لبعضها
والظلم إلى بيحصل فى فلسطين والعراق وأفغانستان وأمثالهم..
بس الحكومه دى لو وحشه يبقى يأما عقاب لاننا منستحقش غير النوع ده..
يأما بلاء ولازم نصبر عليه ونحاول نعرفهم الصح بس بالنصح مش بالاجبار
ولا بالخروج عليهم..لان الرسول الكريم-صلى الله عليه وسلم-
أمرنا بعدم الخروج عن الحاكم
احنا بيباه الواحد فينا بيسلم على الواحد وبيحسسه انه ايه راكب على الحته الشمال
ولما يلف ضهره
دا انت /ى ابن ولا بنت ستين فى سبعين
وما شاء الله يفضل يقول شعر فى حقه
بنظلم بعض كده ولا لا
والحاجات الصغيره دى
هيا مقدمات او بداية الكبائر
ومين قلك أن دى صغائر عشان تبقى مقدمات للكبائر أصلا؟؟
ألى بتقوله ده يإما غيبه أو نميمه
عن عائشة قالت: قلت للنبي حسبك من صفية (زوج النبي)
كذا وكذا -تعني أنها قصيرة- فقال النبي صلى الله عليه وسلم: "لقد قلت كلمة
لو مزجت بماء البحر لمزجته".
أظن مفيش حاجه بتوضح سوءها أكتر من كده
كمان فى القرآن الكريم:(ولا يغتب بعضكم بعضا، أيحب أحدكم أن يأكل لحم أخيه ميتا فكرهتموه)
و
(لا يحب الله الجهر بالسوء من القول إلا من ظلم وكان الله سميعا عليما)

قال الامام القرطبى-رحمه الله-: لا خلاف أن الغيبه من الكبائر و أن من اغتاب احداً عليه ان يتوب إلى الله عزوجل .انتهى
و قال ابن حجر الهيتمى رحمه الله_ :كل منهما (الغيبه و النميمه) حرام
بالإجماع و إنما الخلاف فى الغيبه هل هى كبيره ام صغيره ؟ و نقُل الاجماع
على انها كبيره.

3.ليه
ديما مبنساعدش الانسان ألى نلاقى عنده أمل وليه طموح أنه
يعمل حاجه..لا،وبنقف قدامه
كمان؟؟
هل ده لانه لازم يواجه عشان يبقى
حاجه؟؟
بس أحنا برده مش المفروض
نساعده عشان نشيل عنه الجهد ألى هيواجه بيه الناس ويستخدمه فى
تحقيق طموحاته؟؟
انا عن نفسى لو انسان لجا ليا وقالى انا عندى طموح كذا ونفسى احققه او عندى موهبه كذا عمرى ما هقله نفذها هنا
لان لو قلتله كده
يباه انا ببنيله فى تربته
واول واحد هباه بدفنه فيها
ومش هنضحك على بعض ونقول ليه ومصر ومش مصر
حد يقولى على عالم فكر يعمل حاجه لمصر ودرس هنا
حد يقولى على حد عمل مشروع لمصر ونجح واتعلم هنا او اكتسب الخبره من هنا
متحولوش مش هتلاقو
اذا كان اوائل الجمهوريه السنه دى
على ما اظن 90% منهم مدارس خاصه ولغات
وكمان رايحين يكملو تعليمهم بره
ودا بيفكر صح
اى عالم عايز يعمل حاجه لمصر ما اعدش هنا وقال انا هغير الفكر ده فى مصر ومش هسافر بره
يباه انا لما اقول لواحد بيقولى انا تعليمى كله او هبدا هنا وهمشى بالحلال وهحقق طموحاتى هنا
لما اقوله تباه بتحلم
اباه كده بكسر ماديفه
من وجهة نظرى لا كده انا بوعيه على الحقيقه اللى المفروض هو يكون عارفها
هنقول طب واللى ممعهوش يطلع برا
اولا بره مش دول الخليج
ده كده عايز فلوس وخلاص
لا بره اصدى دول اجنبيه
المهم
اللى ممعهوش مش هقول ميلزموش
هقولكم بصراحه معرفش اللى ممعهوش يعمل ايه
وربنا ما بيتخلاش عن حد
لو كل واحد بيقول كده البلد هتخرب
أه صحيح البلد يمكن أمكانيتها مواضعه بس برده..
فى ناس كتير نمت موهبتها فى مصر
ودليل كده أنا فى عظماء كتير مصريين
وأنا مش بعارض فكرة السفر
لكن مش كله..
وفى ناس بيبقى أفيدلها أنها تفضل فى البلد على أنها تخرج
ودى حاجه بيبينها الزمن

4.ليه ديما
بنسمى المتدين متشدد"وده للأسف كتر أوى فى الزمن ده"؟؟ولا
ده مجرد فكر
حاول أعداء الدين أنهم يدخلوه فى
دماغنا بأن الدين= تشدد..ولو..أعتقد أنهم نجحوا
بشكل كبير
انا عن نفسى بقول على بعض الناس المتدينين متشددين بس مش اى حد بشوفه متدين بقول عليه متشدد
لا اللى بقوله انت متشدد
اللى كان امبارح ماسك سيجاره ولنهارده الائيه بيبصلى وهو رافع حاجبه
زى مايكون بيبص لواحد مش مسلم
طب ما تنصحنى بالراحه
ومره واتنين وتلاته
وميه كمان انت ربنا هداك
بصلى بصه حلوه وخد بئيدى عشان ربنا يهدينى زيك
لو انا كنت مش ماشى فى طريق صح
لكن انت مش عشان ربنا هداك هتنطط على الناس
ولا ايه
ودا بيباه التزم بس فهم الالتزام غلط
يعنى دا يضر الواحد ما ينفعوش
يعنى ده ممكن يكره الواحد فى انه يلتزم حتى لو كان فى نيته الالتزام
..
فعلا ده أسلوب غلط وبيبين أنه مش فاهم دينه كويس
بس مش معنى كده أنه متشدد

بس يعنى ايه"نيته الالتزم"
هوه المفروض الواحد يقعد عاقد النيه لحد ميموت مثلا؟؟
وده على أساس أن النيه هتنجيه؟؟


5.ليه
بلد زى "اليابان"بتطبق تعاليم ديينا..رغم
أنهم مش مسلمين..وأحنا بنطبق
تعاليم الغرب وحته بنستخدم لغتهم
وأحنا بنكلم عرب زينا..وده مع ان عندنا ألى لو
طبقناه صح هنكون أرقى الامم..
اليابان متقدمتش من فراغ
دى عملت بجد وأتقنوا عملهم ..زى
ما الرسول أمرنا..
دول قرءوا..وقال الله تعالى:أقرأ
بسم ربك الاكرم"
دول ربوا أولادهم على القيم
من صغرهم..ده بالظبط زى ما الرسول وصانا..
عرفين كمان
رغم التقدم ألى هما فيه ..إلا أنهم
عمرهم ميتخلو عن عادتهم اليابانيه..
مش زينا لاعمل ولا عادات
حتى.."يلا..
لسه برده فى امل وعمره مهايموت"
طب سؤال انتى بداتى بنفسك الاول
الحمد لله بحاول قدر الامكان..
اكيد لو كل واحد فينا بدا يطبق تعاليم الاسلام بدون تعصب
لازم وحتما صحبه هيتغير وهيباه زيه
لان انا وصاحبى غالبا تصرفتنا زى بعض
فاذا انا معملتش زيه المره دى هيحاول هو يعمل زى لانى هيلاقى الناس بتعملنى احسن منه
بعد ماكان الناس بيعاملونا احنا الاتنين زى بعض
بس ده بيحصل لو طنت مرتبط بصاحبك أوى وبرده بتاخد وقت مش بين يوم وليله هيتغير..

6."ودى
بأذن الله تكون أخر نقطه عشان مطولش
أكتر من كده.."
لما حد بيروح بلد متقدمه ويقولكم
شوفوا دول بيعملوا أيه؟؟ دول بيطبقوا إسلامنا من غير
ميكونوا مسلمين.. نرد ونقول
..أيه ده؟؟هوه رايح قاعد هناك وعمال
يكلمنا عنهم ويمجد فيهم؟؟
طيب لما أحنا عرفين أنهم
فعلا يستحقوا أننا نتكلم عنهم..ليه مبنحولش نبقى أحسن منهم عشان
نرضى ربنا أولا ومجتمعنا ونفسنا فى
نفس ذات الوقت..

وفى النهايه عيزه أوضح
نقطه يمكن البعض يخدها عليه بما انى بتكلم عن العادات والتقاليد.. وهى
"اللغه العربيه"وإنى كتبت
الموضوع بالعاميه..وده عشان أوصل الفكرة
بسهوله..لان بصراحه العيب مش فى اللغه
العربيه..لكن العيب فينا أحنا لاننا عرب
بالاسم بس..


انا شايف ان كلامنا بالعاميه مفهوش حاجه
لان على ما اعتقد مش هنقدر نغير 80 مليون نسمه
وكمان العاميه بتباه اسهل شويه فى التعبير
وتادر توصل المعلومه اسهل
مانا عرفه أمال كتبته بالعاميه ليه يعنى..
فى وقتنا الحالى
وكمان على ما اظن اى لغه غير العربيه
بيباه فيها لغه عاميه برده او لغه دارجه
بتباه اسهل شويه ليهم فى طريقة الكلام
بصراحه معرفش فى الحكايه دى لانى مخرجتش من مصر قبل كده..
وسامحونى على الاطاله
لا ولا يهمك

ومشكوووووووووووره تانى على هذا النقاش المفيد يا فراشه
الشكر موصول ليكم على ردكم ونقاشكم..