موضوع ساخن للنقاش

انا لما بقابل فتاه متبرجه هيا اللى بتضايقنى الاول بتبرجها فبروح غالبا مضايقها
راى فيها طبعا زفت
طبعا بحترمها جدا جدا جدا جدا جدا جاد جاد ........................................
طبعا انشاء الله فتاه محجبه
واذا ما لبستهوش قبل ما نجوز انشاء الله تقتنع بيه وتلبسه بعد الجواز
Shohod Alfagr
موضوع فى غاية الجمال

طب سؤال يا ترى انتى محجبه ولا ............
وتقصدى بالحجاب اللى هوه ايه
Shohod Alfagr

اولا اراكم جميله وممكن نتناقش فيها
بس اللى انا كتبته ده مكنش راى دا كان راى واحد صاحبى
بس احنا مش هنخختلف كتير
ثانيا راى : معاكى يانواراانا الغلط بيبقى من البيت
واغلب اللى بيبقو متبرجين وميسرين ما ديا بيبقو فاكرين ان الى لبسينو ده هو اللبس العادى وبيبقو كمان بيصلو ووووو
ودا طبعا مش من دماغى انا والله سالت اكتر من بنت معايا فى الكليه
فهى ممكن قلت الوازع الدينى او الام بتبقى شايفه بنتها كبرت خلاص فبيبقى نفسها تشوفهااجمل بنت وسط صحبتها
او الام تقولك سيب البنت تعيش اليومين بتوعها ما هى لما تتجوز هترجع عن الحاجات دى من نفسها
او ممكن ان البنت بتغير من اللى معاها ودى حاجه اساسيه طبعا فكل ما تشوف واحده صحبتها الناس بيبصولها ومش بيبصو ليها فتتغاظ وتبقى عاوزه هيا اللى تبقى ظاهره والناس يعلقو عليها هيا
من الاخر يعنى بتبقى عاوزه تعرف راى كل واحد يقابلها
اما عن الاولاد فانا مش بقول انهم ملائكه لا هما كمان غلطانين بس الغلط الاكبر على البنات لان هما اللى مهدو ليهم الطريق
وده شاب فى سنه المراهقه مثلا ومهواش سيدنا يوسف ولا حاجه
ده ليه مشاعره واحساسيه
اذا كان الواحد لما بيشوف اوبيسمع لوف استورى بيتاثر بيها بكل مشاعره وجوارحه
ما بالك دى فى الحاجه اللى بيرغبها اى شاب
واما من ناحية المعاكسه فانا كنت بعاكس بس مش اى واحده وطول عمرى من قبل ما اعرف الحجاب ده وانا بحترم اى واحده بتلبسه
لاكن الوقتى من ناحية المعاكسه لو فكرت اعاكس كل واحده متبرجه مثلا فى الكليه فهبقى مسجل خطر معاكسه او بمعنى اخر هعاكس كل اللى يقابلنى حتى المعيدين والدكاتره
وشكرا على الموضوع الساخن ده يا اخر دلع
Shohod Alfagr

اولا : شكرا على مروركم

ثانيا : هجاوب على سؤال هيما انا الحمد لله محجبه
اما بقى قصدى بالحجاب ايه فانا مش قصدى بالحجاب انه حجاب الرأس فقط
لان اكتر المتبرجات لابسين طرحه ومش معنى كده انهم محجبات لانهم بيبقو
لابسنها على بناطيل ومينى جيب والاسم محجبين
ولو لابسينها على جيبات او عبايه وفيها اشياء ملفته مثل الترز والترتر واشياء اخرى كتير فأيضا هؤلاء متبرجات
ولكن انا قصدى بالحجاب هو الزى الاسلامى الفضفاض الساتر لجميع اعضاء البدن الذى لايوجد به اى شىء ملفت
وهو يتمثل حاليا فى الاسدال والملحفه وطبعا انا معايا الدليل من القرأن وهو
انا مش فاكراه دلوقتى بس هو بيقول انا المفروض المراه والبنت تكون
كالغرابيب السود اى تكون الزى التى ترنديه غامق دا ان مكنش اسود طبعا ولا
يوجد به اى شىء ملفت للنظر وانا مقلتش النقاب لاختلاف الاراء بس انا رائيى انه فرض
اما بقى للاولاد اللى بيقولوا انهم بيعاكسو البنات علشان يضايقوهم علشان هى استفزتهم فكل ده حجج لان الله سبحانه وتعالى امرنا بغض البصر وهم كده مش بيضايقوهم بل دا هم بيفرحوا جدا لما حد بيعاكسهم وبكده الاولاد بيشجعوهم على الفساد اللى هم فيه
وغض البصر اللى ربنا امرنا بيه اهم من انهم يضايقوهم لانهم طبعا كده مش بيغضو بصرهم واحنا عارفين انهم ساعات بيشوفوهم مارين فى الطريق غصب عنهم ولكن" النظرة الاولى لك والثانيه عليك" يعنى المفروض انهم اول ما يشوفوهم يغيروا اتجاه بصرهم او ينظروا فى الارض ولكن الاولاد اول ما بتشوف بنت مبتطبتلش بص دا اصلا عينهم مش بتنزل من عليها لحد متختفى دا ان مامشاش وراها وطبعا يبدأو فى الكلام بتاعهم اللى احنا كلنا عارفينه والاولاد بتقول ان هم اللى استفزوهم علشان يطلعوا الغلط كله على البنات
ولكن الغلط مشترك بينهم بل كل هذا الكلام ستار بيستخبوا وراه
ولكن حاليا الاولاد مش بيعاكسوا المتبرجات فقط بل المحجبات والمنتقبات ايضا ولكل نوع طريقه طبعا فى المعاكسه دا الاولاد خبره
طيب الاولاد بتقو ان البنات هى اللى عامله فى نفسها كده وعاوزه كده طيب المحجبات ايضا عامله حاجه
اما عن رائي هيما ان الاولا لهم مشاعر واحاسيس فطبعا الانسان الصادق المؤمن بالله حقا لن تؤثر فيه اى بنت مهما كانت
اما عن الامهات اللى وافقو ان البنات تخرج من بيتها كده فطبعا الغلط من عندهم لانهم وبعضهم بيقول انهم المفروض يعيشو ايا مهم والاخر فاكر انها كده هتجيب العريس وهى راجعه فده جهل طبعا
وربنا يهدى جميع شباب وفتيات الامه
انا اسفه انى طولت عليكم

يا اخر دلع شكرا على رايك وانا متفق معاكى فى نقاط لاكن بالنسبه لراى ايوه الشاب من دول له مشاعر واحاسيس وهوه معزور لانه فى مجتمع تخلى عن دينه وعاداته وتقاليده الا من رحم ربى
اذا كانبيبقى الواحد شيخ وزى ما بيقولو عده المزلقان وممكن بنت تلف عليه وتوقعه فى الخطاء ما بالك ده شاب فى ريعان شبابه
وكلنا معرضين للخطاء
انا مش بقولك ان هما مش غلطانين هما برده مخطئين
بس الخطاء الاكبرررررررررررررررررررررررررررررررر
على البنات طبعا
وانتى بتكلمى مجتمع كامل مش شاب واحد
هنقول لما هيغض بصره البنات دول هيتلمو
لا انا زى ما قلت ليكى فى بنات فاكرين ان اللى بيعملوه ده مش حرام وبيبقو سايبين شعرهم او لابسين اشرب وبناطيل وحاجات من دى وبتبقى بتصلى وبتصوم ووووو
اما بالنسبه للى بيعاكس منقبه فدى عمرى بصراحه ماشفتها
ولو كان فى حد بيعمل كده ده يبقى انسان معقد نفسيا او انسان مش طبيعى
Shohod Alfagr

انا متفق معاكى يا نوارا
وانا نسيت اتكلم عن اى حاجه غير النقاب والاسدال تبقى تبرج
بس انتى اتكلمتى وانا معاكى فى الراى

عليه الصلاة والسلام يا زهرة


انا بلاقى ان اى مشكلة او قضية بترجع للوازع الدينى

اولا شكرا لمروركم كلكم
ثانيا : انا مش قصدى ان اللى لابس عبايه فيها ترتر يبقى متبرج
وانا على فكره مش متعصبه ولا متشدده بس انا محبش اقول معلومه غلط
وانا كل كلامى كان عن الزى الاسلامى وطبعا الزى الاسلامى مفهوش لا ترتر ولا اى شىء من الاشياء دى
ولو سئلتوا اى شيخ من المشايخ عن الترتر هيقول ان ده مش صح لانه ملفت جدااااااااااااااااااااااااا
وانا يانوارا مقصرتش الادب والاحترام على النقاب والزى الفضفاض
وانا قلت ان كان كلامى عن الزى الاسلامى مش الادب وطبعا الزى الاسلامى مفهوش لا ترتر ولا اى شىء ملفت للنظر
وانا مقصرتش على النقاب انا قلت فى اختلاف الاراء على موضوع النقاب وان كان رائيى انه فرض فده رائيى انا مش بجبر حد يعمل بيه
ومقلتش ياهيما ان غير النقاب والاسدال يبقى تبرج انا قلت الزى الاسلامى هو اللى اسدال ومقلتش النقاب

طيب ما انا اقولكم حاجه احسن من الدوخه اللى انا فيها دى لانى بجد حاسس انى دماغى لفت
كل شويه قاعد اخرج من الموضوع ده للموضوع ده
ايه رايكم مدخل الدردشه وكل واحد عاوز يقول رايه هيقوله لاتيف وهنشارك كلنا مع بعض
ود مجرد اقتراح مش اكتر
shohod Alfagr

مشكوره على التوبيك الجميل ده وأسفه على مرورى متأخرا عليه انا عايزه افهمكم حاجه فى بنات بتكون متبرجه وفى نفس الوقت محترمه جدا بس محتاجه حد يوجها ومجرد اما توجهيها تسمع كلامك وتنفذ على طول وفى بنات متبرجه ومهما تكلميها او توجهيها فهى فى دماغها انى هى صح وده طبعا أكبر خطأ أما بالنسبه للزى الشرعى فهو حاليا لايتمثل الى فى الاسدال والملحفه وبعض العبايات اما خلاف كده من وجهة نظرى انه مش زى شرعى ايوه فى بعض البلوزات والجيبات الواسعه والمحترمه ودى مش بنقول عليها حاجه بس الافضل طبعا والى يتقال عليه زى شرعى فعلا هو الملحفه والاسدال وطبعا دليلى معايه اما بالنسبه للولد الى بيعاكس البنت المتبرجه فهو غلط طبعا والمفروض يغض بصره لكن فى عصرنا الحالى انا مش بلومه اذا كان احنا يابنات اول اما نشوف بنت كده مش بنبطل بص عليها الولد يعمل ايه ومش معنى كده انى بقول بص على البنت المتبرجه لاطبعا يغض بصره وطبعا الى بيغضوا بصرهم قليلون جدا واسفه على التطويل

اكيد البنطلون للبنت للخروج من وجهة نظرى ماينفعش بس ممكن تحددى حاجه طويله لحد فين مثلا وعلى فكره هو من وجهة نظر الدين بتاعنا برده ماينفعش

من ناحية العمليه هو عملى بس أحنا المفروض ننظرله من ناحية الدين الاول وبتهيقلى ماعدتش بناطيل اليومين دى واسعه وزى مانتى قلتى اختلاف الرأى لايفسد للود قضيه