الرحيمأصحابي واخواتي
بجد اللى عشته معاكم فترة مش قصيرة.. اعضاء احلى منتدى اشتركت فيه
تخيلتو ان احنا ممكن نستمر فى المنتدى دة لمدة عشر سنين قدام تخيلو احنا حنبقى
عاملين ازاى انا حيبقى عندى 26سنة وفى منكم حيبقى اكثر.. معقولة ممكن مواضيعنا
ومشاركتنا تختلف ولا حنفضل تافهين زى ما احنا ههههههه
فيه مننا هيسافر ويشتغل برا و مننا هيستقر ويتجوز ومننا هتختلف شخصيته يا ترى هنبقى عاملين ازاى
والاهم ..هنفضل فاكرين بعض وفاكرين منتدانا الغالي ولا لأ؟؟؟؟
انا حبيت اتكلم في الموضوع ده بما ان الدراسة قربت وكلنا ثقة اننا ممكن منتجمعش تاني في المنتدى غير الاجازة الجاية ان شاء الله
وانا عندي تخيل للأعضاء بعد 10 سنين بداية من
فراشة الربيع
هي المديرة .. هتتخن بقى وتدخل المنتدى تنظمه و تشيلنا همها وتطلع واحنا نقول يارب متجيش تاني
dodo
هتدخل عيالها المنتدى وتتعصب عليهم هنا ودمها هيتقل بقى بعد الجواز
lovelymoon
مش هتطول برده وعيالها هيفضلو يذلوها بقصرها وتدخل ترخم علينا هنا وتقولنا المنتدى نايم وتطلع تاني
وهتخترع احدث اختراع .. شيشة بترص الحجر لوحدها
سندريلا
هتعد تثقف ف عيالها لحد ما يكرهوها من العلم
وطبعا هتبقى بتتحسر على مذاكرتها وتعبها والاخر قعدتها في البيت
lili
هتعد تاكل مصاصة مع عيالها وتتخانق معاهم عليها
وتتفرج على افلام هندي لحد ما تبقى قد الفيل
princiss
هتفضل تزعق في العيال لحد ما يطفشو بابوهم وتدخل هي بكل برود تغسل الاطباق وتشرب كركديه
زهرة البنفسج
هتدخل عيالها يحطولنا مواضيع الشعر بتاعتهم اللي هما مالفينها هنا
اخر دلع وروشنة
مش هيبقى في دلع خالص ولا روشنة وعينها هتطلع في الطبيخ والغسيل وهتتخن برده
ضي القمر
هتفضل هادية وبريئة لحد ما ترفع ضغط جوزها
دانا دندونة
انا متاكده ان هي اللي هتمشي البيت وتفضل بروقانها ده
himazima
هيسافر يشتغل برا بس في مطعم وشعره الحرير هيقع
احمد جاويش
هيبقى لاعب كورة كبير ويتجوز اربعة ويعلم عياله الكورة برده وبعدها يقلب اهلاوي
انجلز
هيأعد عياله معاه عالجهاز ويقلبلهم دماغهم بالبرامج وبرده مش هيفهموا حاجة
وجع الرحيل
هيطنش عياله ويدخل في المنتيات بتاعته
اوعو حد يزعل مني........
اكيد انا نسيت حد بس حتى كل الاعضاء الجداد والقدام....
البنات هيتخنو والرجالة هيطفشو
وانا بقى
ناوية اخد كل سنة سنتين في الكلية يا اما ابقى اكبر بياعة بطيخ
طبعا العلم عند الله ويمكن حتى القيامة تقوم قبل كده
بس حبيت اسيبلكو كلام كذكرى لكل عضو في المنتدى
كلمة للمنتدى
علمني المنتدى حاجات كتيييييييييييييييييييييييييييييير
ممكن أخ لك أو أخت متعرفش اسمه ولا شكله
أنني قد اقدّر الشخص واعرف عن شخصيتة كتير لمجرد متابعتي لكتاباته و ردوده
أن أناقش الأفكار .. ولا أنتقد الأشخاص
أن أعطي ولا انتظر الثمن
أن أناقش وأحاور بجديه وصراحه
اقول رأيي في أي موضوع ولأي شخص و أواجه أي أختلاف في وجهات النظر
ان الشخص الذي يحترم نفسه يجبر كل الاعضاء على احترامه
ونسيت أقول
أن المنتدى علمني أشكر الجميع وخلاني ابص للدنيا بنظرة تانية
المنتدى غير مسرى حياتي وتفكيري
بتمنى من كل عضو في المنتدى يوجه كلمة للمنتدى
استفاد منه ف ايه؟ او المنتدى بالنسبة له ايه؟
ويتخيلنا بعد 10 سنين
الذكرى ناقوس .. يدق في عالم النسيان
سلامي لكل عضو في المنتدى
BARBY
ويتخيلنا بعد 10 سنين
الذكرى ناقوس .. يدق في عالم النسيان
سلامي لكل عضو في المنتدى
BARBY
